اليوم تشهيت كسكسوا ديال الزرع حنا تنقولوا ليه كسكس الاحمر وقالت نوجد ليكم حقكم معيا
المقادير حسب الرغبة
وكل الاخوات تيعرفوا طعام كل واحد ومقدير ليتعمل حسب أفراد الاسرة
اللحم ديال راس البقري
بصل مشلضة
طماطم
كرع لخضر
كرعة لحمر
حمص منقوع
الملفوف
اللفت
الجزر
دنجال اختي تتبغيه فالطعام
التوابل
زيت
أبزار
سكنجبير
سمن البلدي
زعفران
ملح
قزبر و مقدونس
الطريقة
ننضف كل الخضار و نقطعها انصاف و نوضعها في الماء نأخد طنجرة الظهي ونوضع الزيت واللحم ونضيف 2بصلات مقطعين بشكل طولي3 حبات طماطم مقطعين + حزمة قزبر و مقدونس مربوطة بالخيط
ونظيف التوابل ونخلي جميع المقادير تشحر 3 دقايق ومن بعد نضيف الماء ونقفل على الطنجرة ومن بعد مدة 30 دقيقة على الاقل نحس باللحم طاب نحيدوا من الطنجرة ونضيف الخضر و نضع الخضر ما عدا الكرعة الخضرة والحمرة حتيللاخير حيت دغيا تطيب
ناخد البرمةو الكسكاس نوضع ماء من تحت ونقفله بكيس بلاستيكي من الوسط باش ميخرجش البخار .
وناخد الطعام ونرشوا بالماء.ولما يفور الماء اللي في الكسكاس نوضع الكسكسو نخليه حتي يبان لي البخار طالع ونحيدوا ونرشوا بقليل من الماء حيت طعام ديال اليد مكسكس مخصوش الماء بزاف ونكرر مرة تانية في الكسكاس و نرشه بشوية بالماء و الزيت والملح ونفتحوا الحبات و الكويرات باليد و يفور للمرة الاخيرة
طريقة التحضير
نصبوا الكسكس في القصعة و ندهنوه بملعقة كبيرة سمن بلدي .حسب الرغبة كين لمتيكلوش
وتنقدوا الكسكس ونوضعو الحم والخضر والمرق وبالصحة والراحة وعرفتوا مع اللبن تيجي شهوىمنوا